“Зүүн Азийн Хүүхдийн Урлагийн X Их Наадам” өнөөдөр “Найрамдал” төвд эхэллээ. Тус наадмыг ЮНЕСКО-гийн Монголын үндэсний комисс, Хүүхдийн Төлөө Үндэсний газар, Олон улсын хүүхдийн “Найрамдал” төв хамтран энэ сарын 22-27-ны өдөр “Найрамдал” төвд хийж байгаа юм.

Наадамд 100 гаруй Монгол хүүхэд, багш нар болон 80 гаруй гадаадын хүүхдүүд, багш нарын хамт оролцож байна. Зүүн Азийн хүүхдийн урлагийн наадмын зорилго нь Ази тивд соёлын олон төрөл зүйлийг харилцан сурталчлах,  хамгаалах, соёл хоорондын харилцаа холбоог хөгжүүлэх, харилцан ойлголцол, хүндлэлийг бий болгох, энх тайвныг тогтооход хүүхэд, залуучуудын оролцоог нэмэгдүүлэхэд чиглэгдэж байгаа аж.