Баян-Өлгий аймаг дахь Монгол-Туркийн хамтарсан сургууль ээлжит элсэлт, төгсөлтөө хийхээр эртнээс бэлтгэж эхлэв. Тус аймагт ерөнхий боловсролын 42 сургуультайгаа их дээд нь нийлээд тавь орчим сургууль байдгаас сургалт хүмүүжлийн орчин, тохижилт, сургалтын чанар, төгсөгчид нь олон хэлний мэдлэг боловсрол эзэмшиж гадаадын олон оронд суралцдагаараа хоёр улсын хамтарсан хөрөнгө оруулалттай энэ сургууль онцгой байр эзэлдэг. Тавдугаар сарын дунд үеэс сургуулийн элсэлтээ авч эхлэхээр төлөвлөөд байгаа аж.