Суданд өчигдөр онгоц осолдож, 32 хүн амиа алдсан харамсалтай хэрэг гарчээ. Тэдний дунд Засгийн газрын гишүүн дөрвөн сайд, мөн төрийн бусад өндөр албан тушаалтнууд байсан гэнэ. Мөн мужийн сайд гурав, хошууч генерал цолтой цэргийн албаны гурван хүн байжээ.

Украйнд үйлдвэрлэсэн “Антонов” гэх онгоц Өмнөд Суданы Талоди хотын дээгүүр нисч яваад осолдсон байна. Ослын шалтгааныг хүчтэй салхи, тоос шорооны улмаас үзэгдэх орчин багассантай холбон тайлбарлаж байна. Гэхдээ эцсийн байдлаар ослын шалтгааныг тодорхойлоогүй байгаа аж. Ослоос амьд үлдсэн хүн байхгүй гэнэ.

Онгоцонд зорчиж явсан албаны хүмүүс Рамадан сарын төгсгөлийн “Эйд” баярын ёслолын арга хэмжээнд оролцохоор Өмнөд Кордофан муж руу явж байжээ.