УИХ дахь МАХН-МҮАН-ын “Шударга ёс” эвслийн бүлэг одоо 11.00 цагаас хуралдаж эхлэх гэж байна. Тус хуралдаанаар Засгийн газрын танхимын гишүүдэд санал болгох хүмүүсийнхээ нэрийг эцэслэх аж. Эх сурвалжаас авсан мэдээллээр бол МАХН-ынхан Сангийн сайдад УИХ-ын дэд дарга Ч.Улааныг нэр дэвшүүлэн бүлгийн хуралдаанаар хэлэлцүүлэхээр төлөвлөсөн байна. Харин Эрүүл мэндийн сайд, Шадар сайдад С.Удвал, УИХ-ын гишүүн Д.Тэрбишдагва нарын нэрийн хуучнаараа үлджээ. МҮАН-ын хувьд Түлш, эрчим хүчний сайдад УИХ-ын гишүүн М.Сономпилийг нэр дэвшүүлсэн хэвээрээ байх гэнэ.
Сангийн сайдад Ч.Улааныг нэр дэвшүүлэхээр УИХ-ын дэд даргад хэнийг санал болгох вэ гэдэг одоогоор нууц хэвээр байна.
Дашрамд сануулахад, УИХ дахь Ардчилсан намын бүлэг яг одоо Төрийн ордны “А” танхимд хуралдаанаа эхлүүлжээ.
Г.ДАРЬ