Дорноговь аймгийн Улаан-Уулын заставт өнгөрсөн оны 11 дүгээр сарын 22-23-нд шөнө буун дуу гарч хил манаж байсан залуус нэгнийгээ хөнөөсөн хэрэг гарсан. Сүхбаатар дүүргийн анхан шатны шүүхээс онц ноцтой гэмт хэрэг үгсэн тохиролцож үйлдсэн М.Тулга, Г.Лхагважав, Э.Оюунболд нарт Эрүүгийн хуулийн 91.2.1, 91.2.16, 112.2, 147.2-д заасныг үндэслэн цаазаар авах ял оноосон бол Р.Энхжаргалд 25 жилийн ялыг чанга дэглэмтэй эрэгтэйчүүдийн хорих ангид эдлүүлэхээр болсон. Тэдний өмгөөлөгч нар Нийслэлийн шүүхэд өнгөрөгч баасан гаригт давж заалджээ. Хуулийн дагуу Нийслэлийн шүүх өргөдлийг хүлээн авсан бөгөөд 14 хоногийн дотор шүүх хурлын товыг зарлана.

Х.Хангал