УИХ-ын чуулганы нэгдсэн хуралдаан түр завсарлаж, гишүүд оройн зоогоо барьсны дараа хуралдаанаа үргэлжлүүлэхээр боллоо.

Ерөнхий сайд Н.Алтанхуяг Засгийн газрын гишүүдэд нэр дэвшүүлсэн эрхмүүдийн танилцуулгыг хийж дуусаад, Засгийн газрын хэрэг эрхлэх газрын даргаар УИХ-ын гишүүн Ч.Сайханбилэгийг томилуулах тухай төслийг танилцууллаа.

Энэхүү асуудалтай холбогдуулан МАН-ын гишүүд завсарлага авах хүсэлтэй буйгаа хэлэхэд УИХ-ын дарга З.Энхболд тэднийг завсарлага авах эрхгүй гэдгийг сануулаад 15 минутын дараа эргэн хуралдахаар боллоо.