Сирийн ерөнхийлөгч Башар Аль Асад тус улсад ардчилсан өөрчлөлт шинэчлэлт хийхийг шаардаж, хоёр долоо хоног үргэлжилж буй жагсаал цуглааны шаардлагыг хүлээн авч,  засгийн газраа бүрэн бүрэлдэхүүнээр нь огцруулах болсон тухайгаа мягмар гаригт мэдэгдсэн байна.
Гэвч жагсагчдын тавьж буй шаардлагад бүрэн дүүрэн хариулт болж чадахгүй бөгөөд Сирийн засгийн газар эрх мэдэл хязгаарлагдмал, асуудлыг бие даан шийдвэрлэх чадваргүй ажээ. Үнэн хэрэг дээр бүх эрх мэдэл ерөнхийлөгч Асад болон түүний гэр бүлийнхэн, аюулаас хамгаалах хүчний гарч төвлөрсөн байдаг байна.
Мягмар гаригт олон арван мянган хүн засгийн газраа дэмжиж, цуглаан хийсэн бөгөөд тус оронд 50 жилийн туршид үйлчилж буй онц байдал тогтоосон шийдвэрийг нэн даруй цуцлахыг хүсэн хүлээж буй ажээ. Онц байдал тогтоосон хуулийг цуцлахыг жагсагчид шаардаж байгаа бөгөөд одоогийн байдлаар 60 гаруй хүний амь нас эрсдээд байгаа юм.