Өнөөдөр Төрийн ордон хөл хөдөлгөөн ихтэй өнжих нь. Нэг дор цугларан хамт лекц унших нь маш ховор үзэгдэл болох ардчиллын том онолчид болох Ларри Даймонд, Фрэнсис Фукуяама, Стивен Краснер нар Төрийн ордны Их танхимд 1000 хүний өмнө ном айлдах гэж байна. Тэд Ардчиллын чанар чансаа, түүний оршихуйн увидас, Дэлхийн санхүүгийн хямралын дараах хөгжлийн загварууд, Төр улсыг засан тохинуулахуй: Юу зохистой байв? гэсэн сэдвээр Монголын улс төр, бизнес, боловсрол зэрэг төрөл бүрийн салбарынханд өнөөдөр 10.00 цагаас лекц унших юм.