Москвагийн Тверийн шүүх энэ лхагва гаригт Манежийн талбайд болсон эсэргүүцлийн ажиллагааны үеэр олон нийтийн үймээн гаргасан гэх дөрвөн залуугийн үйлдсэн хэрэгт нь тохируулан тэнсэн харгалзах болон гурван жил хүртэл хорих ялаар шийтгэсэн байна. “Интерфакс” агентлаг мэдээлснээр 22 настай Владимир Кирпичников, 23 настай Николай Двойников хоёрт гурав ба хоёр жилийн хорих ялыг ердийн дэглэмтэй засан хүмүүжүүлэхэд эдлүүлэхээр болжээ. Нөгөө хоёр 24 настай Виталий Васин ба 18 настай Григорий Бильченко нар тэнсэн авчээ.

Москвагийн Манежийн талбайд 2010 оны арванхоёрдугаар сарын 11-нд олон нийтийг хамарсан эсэргүүцлийн үеэр үймээн гарсан ба Москвагийн “Спартак” хөлбөмбөгийн багийн хөгжөөн дэмжигч Евгений Свиридовыг Хойд Кавказаас гаралтай хүмүүс хөнөөсний улмаас тухайн жагсаалын үеэр цагдаа болон энгийн иргэдээс 30-аад хүн хэлмэгдсэн байлаа.