Чингэлтэйн өргөн чөлөө буюу Хайлаастын уулзвараас Долоон буудлын эцэс хүртэлх авто замын хөдөлгөөнийг өчигдөр 23.00 цагаас эхлэн хязгаарлалаа. Энэ хэсэгт 1.9 км авто замыг засварлаж, замын доорх цахилгааны шугам сүлжээ болон борооны ус зайлуулах хоолой тавих ажлыг гүйцэтгэх аж. Наймдугаар сарын 16 гэхэд зам засварын ажлыг дуусгаж, замын хөдөлгөөнийг нээхээр төлөвлөжээ.

Энэ хугацаанд тээврийн хэрэгслүүдийг Хайлааст болон Дэнжийн мянгын замыг сонгон зорчихыг Замын цагдаагийн газраас сануулж байна.