Канадын биологичид хүмүүсийн хаясан хог хаягдал байгалийн экосистемийн биологийн бүтцийг зарим үед өөрчилдөг болохыг тогтоов. Энэ нээлт нь манай гаригийн хог хаягдлын асуудлыг шийдэх гарц болж магадгүй гэж эрдэмтэд үзэж байна.

Хэдийгээр хог хаягдал сөрөг үр дагавартай ч зарим үед байгалийн зохицолд эерэг нөлөө үзүүлдэг ажээ. Намгархаг Флоридын өвөрмөц ой мод нь эртний хүмүүсийн хаясан хогноос шалтгаалан ургасан байна.

Намаг нь биогенийн идэвхт элементээр хомс байдаг. Тиймээс хаягдал болон амьд биетийн ялзарсан хэсэг ой мод ургах хөрсийг намагт бий болгосныг эрдэмтэд судалгаагаар илрүүллээ.