Тав дахь олимпийн наадамдаа оролцож буй Монгол Улсын Хөдөлмөрийн баатар, Гавьяат тамирчин О.Гүндэгмаа өнөөдөр үндсэн дасгал болох 25 метрийн спорт гар бууны төрөлд онч сорих гэж байна. Лондонгийн зуны XXX олимпийн наадмын гурав дахь өдөр буюу долдугаар сарын 29-нд 10 мерийн хийн гар бууны дасгалд өрсөлдөж, 380 оноогоор 18 дугаар байрт бичигдсэн тэрбээр өнөөдөр Бээжингийн олимпийн наадмаас мөнгөн медаль хүртсэн үндсэн зайдаа буудах юм. Бээжингийн олимпийн медалийн тавцанд мөр зэрэгцэн зогсч байсан БНХАУ-ын тамирчин Чен Ин болон Герман улсыг төлөөлж буй Монголын тамирчин Д.Мөнхбаяр нар мөн галын шугамд зогсоход бэлэн болжээ.

Эмэгтэйчүүдийн спорт гар бууны 25 метрийн дасгалд 39 тамирчин өрсөлдөнө. Урьдчилсан буудлага Монголын цагаар 16.00 цагт эхэлнэ.

Лондонгийн олимпийг зорьсон Монголын тамирчдаас өнөөдөр буудлага спортын төрөлд О.Гүндэгмаа ганцаараа өрсөлдөх юм.