Санхүүгийн зохицуулах хорооны Даатгалын газраас даатгалын салбарын удирдах ажилтны 2011 оны ээлжит зөвлөгөөн өчигдөр болов. Зөвлөгөөнд оролцогчид өнгөрсөн оны санхүү, эдийн засгийн үзүүлэлтүүд, даатгалын зах зээлийг хөгжүүлэх чиг хандлага, даатгалын зохицуулалтын талаарх хууль, тогтоомжуудын хэрэгжилт, даатгалын багц дүрмийг цаашид боловсронгуй болгох зэрэг өргөн асуудлаар хэлэлцэж хэд хэдэн санал гаргасан байна. Үүнд,
-Хөрөнгийн зах зээлд даатгагчдын оролцох боломжийг нээх;
-Даатгалын дотоодын зах зээлийг хамгаалах, даатгалын хураамжийн гадагш чиглэсэн урсгалыг хязгаарлах;
-Заавал даатгалын тогтолцоог бүрдүүлэх;
-Даатгалын мэргэжлийн оролцогчдын зохицуулалтыг сайжруулах;
-Эрсдэлийн үнэлгээг хийх;
-Одоогийн мөрдөж буй зарим дүрэм, журмын заалтуудыг эргэж харах;
-Даатгалын нэр томъёоны тайлбар гаргах;
-Хууль бус зар сурталчилгаа гаргуулахгүй байх;
-Хувь хүний орлогын албан татварын хуульд даатгалын талаар өөрчлөлт оруулах талаар байна. Харин Санхүүгийн зохицуулах хороо эдгээр асуудлыг нарийвчлан судалж, энэ салбарын зохицуулалтыг боловсронгуй болгох чиглэлээр даатгалын компаниудтай хамтран ажиллах болжээ.