Баянзүрх, Налайх дүүргийн татварын газрын даргаар ажиллаж байсан Н.Энхээ нь Үндсэн хуулиар олгогдсон хөдөлмөрлөх эрхээ зөрчүүлж байна хэмээн сэтгүүлчдэд хандлаа. Тэрбээр өмнө нь ажлаас үндэслэлгүй халагдсан хэмээн өлсгөлөн зарлаж байсан юм.
Энэ удаад Н.Энхээ Татварын ерөнхий газрын “үүрэг гүйцэтгэгч” Ц.Оюунбаярыг татварын улсын байцаагчийн эрхгүй, хөдөлмөрийн хууль зөрчиж татварын газрын зарим ажилтныг ажлаас халсан хэмээн  Төрийн албаны зөвлөлд гаргасан гомдлынхоо хариуг авснаа мэдэгдлээ. Төрийн албаны зөвлөлөөс Н.Энхээгийн гомдлыг авч үзээд харьяалах байгуулагад нь магадлан шалгуулахаар шилжүүлсэн байна.
Мөн тэрбээр Ц.Оюунбаатарыг даргаар томилсон шийдвэрийг хууль бус гэж үзэж Үндсэн хуулийн цэцэд өргөдөл гаргажээ.