Өнгөрсөн бямба гарагт нийс­лэлийн удирдлагууд “Хот ба сэтгүүлч-3” арга хэм­жээг зохион байгууллаа. Хэвлэл мэдээллийн 46 бай­гуул­лагынхан оролцсон их өргөн бүрэлдэхүүнтэй тэд нүүр тулж уулзсан юм. Хотын даргын хэлснээр нийслэл маань тун удахгүй их гоё цэцэрлэгт хүрээлэнтэй болох сурагтай. Маршалын гүүрийн хажууд нийслэлийн ундны усны эх үүсвэр болсон 12 салбар худаг байдаг хэсэг дээр Үндэсний цэцэрлэгт хүрээлэнг байгуулах юм гэсэн. Дэлхийн өндөр хөг­жилтэй хотууд ундны усны эх үүсвэрээ цэцэрлэгт хүрээлэн болгон тохижуулж мод, бут тарьж хамгаалдаг тогтолцоог дуурайсан юм билээ. Хэ­зээ ашиглалтад орох нь то­дорхойгүй байгаа Үндэсний цэцэрлэгт хүрээлэнгийн захи­рал нь Нийслэлийн иргэдийн төлөөлөгчдийн хурлын гишүүн Б.Саранчимэг. Цэцэр­лэгт хүрээлэнгийн техник эдийн засгийн үндэслэлийг одоо Өмнөд Солонгосын ком­пани хийж байгаа аж. Ойролцоогоор бид 10 жилийн дараа цэлийсэн том цэцэрлэгт хү­рээ­лэнтэй болох юм. Энэ жил гэхэд л хотоос тэрбум 450 сая төгрөгийг энэ ажилд зориулж төсөвлөсөн байна билээ. Гэтэл их мөнгө төсөвлүүлсэн Үндэсний цэ­цэр­лэгт хүрээлэн гэх газарт одоо бол юу ч байхгүй. Ба­рагцаагаар энэ жилийн төсөв нь хөрс хуулж, улаан шороо босгоход зориулагдах өндөр ма­гадлалтай. Мэдээж тус га­зарт захирал, нарийн бичиг, ажилтан албан хаагч гээд  ажлын байр хэрэгтэй болж таарна. Тэр хүмүүс цалин авч ажил хийнэ. Дээрээс нь ширээ, сандал гээд юм юм л хэрэгтэй болно. Тэгэхээр 10 жилийн да­раа ашиглалтад орох нэг цэцэрлэгт хүрээ­лэнгийн төлөө нийслэлийн төсвөөс жил бүр тэрбумаар нь мөнгө “цацах” бололтой. Бас болоогүй ээ, тус цэ­цэрлэгт хүрээлэнгийн нэг буланд нь сэтгүүлчдийн төгөл бий болох юм шиг ярьсан. Монголын сэтгүүлчдийн нэгдсэн эвлэ­лийн Ерөнхийлөгч Т.Баа­сансүрэн сэтгүүлчдийн тө­гөл бий болгоё гэж санал гаргасан юм. Сайхан л санаа. Гэвч үнэндээ бол 10 жилийн дараа биднийг бараг тэтгэвэрт гарч байхад шахам ашиглалтад орох цэцэрлэгт хүрээлэнд сэтгүүлчдийн гэ­сэн хаягтай булан, тохой байсан ч яалаа, байгаагүй ч яалаа. 

Зохиогчийн эрх:
"Улс төрийн тойм" сонин