Төрийн ордны их танхимд “Монгол мал Үндэсний хөтөлбөр-Хөдөөгийн хөгжил” улсын зөвлөгөөн яг одоо болж байна. Уг зөвлөгөөнд бүсийн зургаан аймгийн 500 гаруй малчид, ХАА-ын мэргэжилтнүүд, Ерөнхийлөгчийн тамгын газар, УИХ, Байнгын хороо, Засгийн газар, аймаг нийслэлийн төлөөлөгчид оролцож байна. “Монгол мал үндэсний хөтөлбөр” –ийн хэрэгжилт, түүний үр дүнг сайжруулахад анхаарч Ерөнхий сайдын ивээл дор дээрх зөвлөгөөнийг Төвийн бүс- Улаанбаатарт, Хангайн бүс-Орхон аймагт, баруун бүс-Ховд аймагт, зүүн бүс –Дорнод аймагт зохион байгуулахаар болсон аж.