Болгар евроноос татгалзаж байна | News.MN

Болгар евроноос татгалзаж байна

Хуучирсан мэдээ: 2010.04.12-нд нийтлэгдсэн

Болгар евроноос татгалзаж байна

Евро мөнгөний холбоонд нэгдэх эхний алхамын ERM-2 (European Exchange Rate Meсhanism-2) гэх валютын ханш бүрдүүлэх системээс Болгар татгалзлаа. Энэ тухай ерөнхий сайд Бойко Борисов мэдэгдсэн байна. Тус орныг евро бүсэд нэгтгэх 2011 оны сүүлч гэсэн хугацаанд Болгар амжихгүй болов.
Төсвийн алдагдал дотоодын нийт бүтээгдэхүүний 3,7 хувьд хүрсэн учраас энэ шийдвэрийг гаргаж байгаагаа Борисов хэлсэн байна. Төсвийн алдагдал нэмэгдсэн нь 2009 оны долдугаар сард солигдсан өмнөх Засгийн газар төсөвт тусгагдаагүй хэдэн арван гэрээ хэлцэл байгуулсантай холбоотойг тэр онцолжээ. Мөн алдагдлыг цаашид нэмэгдүүлэхгүйн тулд энэ шийдвэрийг гаргаж байна гэдгээ ч тэр хэлэв.
2009 оны долдугаар сард Болгарын Сангийн сайд Симеон Дянков арваннэгдүгээр сард евронд нэгдэх албан ёсны өрөгдлөө гөнө гэж мэдэгдэж байсан юм. ERM-2-т нэгдсэний дараа хоёр жилийн дотор евронд нэгдэх гэсэн орнууд холбооны төв банкны үүрэг даалгаварыг биелүүлэх ёстой. Түүний дараа л улс нь еврог гүйлгээндээ оруулах эрхтэй болдог байна.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж