Драмын театрын сайхан хүүхдүүдийн нэг соёлын тэргүүний ажилтан, жүжигчин  Б.Эрдэнцэцэг энэ жилийн “Гэгээн Муза” наадамд “Муза”-г санагдуулам гал улаан, чамин даашинзаар гангарсан байлаа. Тэрбээр энэхүү даашинзаа “Отгоо” загварын товчооны залуу дизайнер Отгонд эртний грек, ромыг хатдын ихэмсэг дүр төрхийг илтгэсэн загвартай байхаар захиалан хийлгэжээ.  2007 онд Гэгээн Муза наадмаас хоёр “Муза” гардан авч байсан тэрбээр энэ жил “Шилдэг туслах эмэгтэй дүр”-д нэр дэвшин өрсөлдсөн юм.