Японы видео тоглоом үйлдвэрлэгч Nintendo компани таван жилийн өмнө Wii тоглоомын консолыг худалдаанд гаргаж, видео тоглоомын салбарт тэсрэлт хийж байсан билээ. Харин цаг хугацаа өнгөрөхийн хэрээр тус компани өөрийн тоглоомын консолыг улам шинэчлэн сайжруулж, массыг зугаацуулах шинэ чиглэлийг тогтоосон ба гурван хэмжээст зураглалыг нүдний шилний тусламжгүй харж, тоглох боломжийг тоглоомчдод нээж өгсөн юм.

Гэхдээ энэ удаа өрсөлдөгчид ширүүн байгаа тул Nintendo-ийн зүгээс илүү их хүч хөдөлмөр гаргахыг шаардаж байна. Nintendo-ийн зөөврийн 3DS консол нь АНУ-д өнгөрсөн ням гаригаас эхлэн 250 ам.долларын үнэтэй худалдаанд гарч эхэлсэн бөгөөд зөвхөн гурван хэмжээст зураглалыг хараад зогсохгүй 3-D зураг авах боломжтой болжээ. Хүмүүс 3-D киног үзэж эхэлснээр 3-D технологитой танилцаж байсан бол одоо нүдний шилгүй 3-D видео тоглоом гарчихсан байна. Цаашлаад 3-D телевизор хүртэл үйлдвэрлэгдэхээр бэлэн болоод байгаа нь техник технологийн хөгжил ямар хурдацтай дэвшиж байгаагийн нэг тод жишээг харуулж байна.