Монголын баг буудлага, чөлөөт бөх, бокс, усан спорт, хөнгөн атлетик, байт харваа, жудо зэрэг долоон спортын төрлөөр 27 тамирчин Лондонгийн Олимпийн наадмын эрхийг тэмцэлдэн байж олж ирсэн бол усан спортын 2 тамирчин нь цагаан хуудсаар олимпод  оролцох болсон юм. Ингээд нийт 29 тамирчин олимпод оролцоно.

Эдгээрээс дөрвөн спортын төрлийн 6 тамирчин нь одоо их, дээд сургуульд сурч байгаа оюутан тамирчин юм. Буудлага, жүдо, чөлөөт бөх, боксын 4 төрлийн 15 тамирчин нь өмнө нь Универсиад наадам, оюутны дэлхийн аварга шалгаруулах тэмцээнд амжилттай оролцож алт, мөнгө, хүрэл медаль хүртэж байжээ. Үүнээс:

Буудлага:

-О.Гүндэгмаа- /2003 оны Оюутны ДАШТ-нээс 2 алтан медаль  хүртсэн, Чех, Пельзен/,

-ШУТИС-ийн оюутан Н.Баяраа- /2011 оны Универсиадаас урт бууны 50 м-ийн хэвтээ байдлаас буудах 60 сумны багийн төрөлд мөнгөн медальт БНХАУ, Шинжинь/

Чөлөөт бөх:

-Б.Наранбаатар /2005 оны Универсиадын аварга Турк, Измир, 2006 оны Оюутны ДАШТ-ны аварга, Монгол, УБ /

-О.Бурмаа /2006 оны Оюутны ДАШТ-ны аварга Монгол, УБ/ 

Бокс:

-П.Сэрдамба- /2006 оны Оюутны ДАШТ-ны хүрэл медальт, Казакстан, Алмата, 2010 оны Оюутны ДАШТ-ны аварга Монгол, УБ/

-Дотоод хэргийн их сургуулийн оюутан Н.Төгсцогт /2010 оны Оюутны ДАШТ-ны аварга Монгол, УБ /

-У.Мөнх-Эрдэнэ / 2006 оны Оюутны ДАШТ-ны хүрэл медальт  Казакстан, Алмата /,
Мон-Алтиус БТДС-ийн оюутан Б.Түвшинбат /2010 оны Оюутны ДАШТ-ны аварга Монгол, УБ /

Усан спорт:

-“Этүгэн” ДС-ийн оюутан Г.Оюунгэрэл

Жүдо:

-Х.Цагаанбаатар -/2003 оны Универсиадын хүрэл медальт, БНСУ, Дэгү,  2006 оны Оюутны ДАШТ-ны аварга БНСУ, Сувон, 2007 оны Универсиадын оролцсон Тайланд, Бангкок/

-С.Ням-Очир / 2009 оны Универсиадын хүрэл медальт, Серби, Белград/,

-Н.Түвшинбаяр /2006 оны Оюутны ДАШТ-ны хүрэл медальт БНСУ, Сувон, 2007 оны Универсиад наадамд оролцсон Тайланд, Бангкок /

-Дотоод хэргийн их сургуулийн оюутан М.Уранцэцэг /2009 оны Универсиадын мөнгөн медальт, Серби, Белград/

-М.Бундмаа /2007 оны Универсиадын аварга, Тайланд, Бангкок /

-Ц.Мөнхзаяа/ 2009 оны Универсиадын шагналт 5 дугаар байр, Серби, Белград /

-ХААИС-ийн оюутан П.Лхамдэгд/ 2009 оны Универсиадын мөнгөн медальт, Серби, Белград /

Оюутан тамирчдадаа амжилт хүсье.