Нөөцийн махыг долдугаар сар хүртэл борлуулна | News.MN

Нөөцийн махыг долдугаар сар хүртэл борлуулна

Хуучирсан мэдээ: 2011.03.29-нд нийтлэгдсэн

Нөөцийн махыг долдугаар сар хүртэл борлуулна

Нийслэлийн иргэдийн хүнсний хэрэгцээнд  нөөцөлж буй мах хэл ам дагуулахгүй байна гэж үгүй бололтой. Өнгөрсөн амралтын өдөр хотын дарга Сүхбаатар, Баянгол дүүргээр явж нөөцийн мах худалдаалж буй дэлгүүрээр өөрийн биеэр зочилсон. Энэ үеэр чанарын шаардлага хангаагүй мах иргэдэд нийлүүлсэн гэх “Окт трейд”, “Баатар тэнгэр” ХХК-ны гэрээг цуцлахыг санал болгосон. Учир нь тус компаниуд  чанарын шаардлага хангаагүй мах нийлүүлсэн мөн хонь, ямааны мах нийлүүлэхгүй байна гэсэн гомдлын дагуу нийслэлийн Засаг даргын тамгын газрын нөөцийн мах бэлтгэх, нийлүүлэх ажлын хэсэг шалтгалт хийжээ.

Энэ талаар НЗДТГ-ын хүнс­­ний хангамж хариуцсан мэргэжилтэн О.Уянгаас цөөн асуултанд хариулт авлаа.

-Нөөцийн мах нийлүүлж буй зарим компаний гэрээг цуц­лахаар болсон. Ямар компаний гэрээг цуцалсан бэ?

-Нийт 14 үйлдвэр нөөцийн мах нийлүүлж байгаа.  Үүний нэг болох  Сүхбаатар дүүргийн  XV хорооны “Баатар тэнгэр” ХХК-ны мах нөөцөлдөг зооринд ажлын хэсэг  шалгалт хийсэн. Энэ компани нь нийт махны мянган тонныг нийлүүлэхээр гэрээ хийсэн. Шалгалтаар тус компани үхрийн махыг мянгаас илүү буюу  их хэмжээгээр нөөцөлсөн байсан. Тиймээс үхрийн махыг сортоор нийлүүлэхийг үүрэг болгосон. Ний­лүүлэхдээ тарган, сайн чанар­тайг нь зөвхөн борлуултад ний­лүүлнэ. Мөн хонь, ямааны махыг нийлүүлэхдээ иргэдийн хэрэгцээг хангах хэрэгтэй гэдгийг сануулж долоо хоногийн дотор илэрсэн зөрчлийг арилгах сануулга өгсөн. Компаниудын гэрээг нь цуцлахыг түр хугацаагаар хойшлуулсан. Зөрчлийг долоо хоногийн дотор арилгуулах үүрэг өгсөн.

-Иргэд нөөцийн мах худалдан авахдаа тийм ч дуртай биш байна гэсэн. Одоо хэр хэмжээний мах зарагдсан бол?

-Ирэх долдугаар сарын нэгэн хүртэл нөөцийн мах борлуулна. Нэгдүгээр сард 1648 тонн, хоёрдугаар сард 973 тонн, гуравдугаар сарын 24-ний байдлаар 1157 тонн мах тус тус борлуулсан.  Нийслэлийн хэмжээнд 274 цэгээр борлуулж байгаа бөгөөд мөн  сүл­жээ дэлгүүрүүд бас хамрагдаж бай­гаа. Мөн гэр хорооллын дэлгүүрт хонь ямааны мах бага хэмжээгээр ирдэг гэсэн иргэдийн гомдол ирсэн. Тиймээс хонь, ямааны махыг бусад махнаас илүү хэмжээгээр нийлүүлэхээр болсон. Мөн савлагаа,  хэмжээ, чанарыг анхаарч ажиллах үүрэг Хотын дарга өгсөн.

-Нөөцийн мах шалгах явцад өөр ямар зөрчил илэрч байв?

-Энэ оны эхний улиралд Нийслэлийн мэргэжлийн хяналт, НЗДТГ-ын хүнсний хангамжийн хэлтэс, Монголын махны холбоо хамтран хоёр удаа шалгалт хийлээ. Энэ сарын 14-18-ны хооронд Улаанбаатар хотын ерөнхий менежерийн удирдамж гарч бүх нөөцийн мах борлуулж буй дэлгүүрээр явж шалгасан.  Гарсан зөрчлийн дор бүр нь арилгасан. Илэрч байгаа гол зөрчил нь  савлагаа, сав баглаа. Тухайн мах нийлүүлж буй компани амархан урагдах уутанд савлах, махыг бага хэмжээгээр савлаагүй хамгийн багадаа хоёр кг-аас дээш савласан гэх мэт зөрчил илэрснийг шалгалтын явцад сануулга өгч зөрчлийг арилгасан.   

Махны үнэ буурчээ

Хотын дарга хэлэхдээ махны үнэ буурч, одоо тогтвортой болсон гэсэн. Нөөцийн мах зах зээлийн үнээс 500-600 төгрөгөөр хямд зарагддаг. Үндэсний статистикийн хорооны үнийн судалгаагаар  махны үнэ буурчээ. Энэ сарын 25-ны байдлаар Улаанбаатар хо­тын хүнсний зах, дэлгүүрт худал­даалагдаж буй махны үнэ өмнөх сараас хямдарчээ.  Хонины ястай махны үнэ кг нь дунджаар 3572 төгрөг, цул мах 4057 төгрөг, үхрийн ястай мах 4238 төгрөг, үхрийн цул мах 5025 төгрөгийн үнэтэй худалдаалагдаж байна. Үнийг өмнөх сарынхтай харьцуулахад, хонины махны үнэ 10.1-16 хувь, үхрийн махны үнэ 7.2-11.5 хувь, адууны махны үнэ 3.5 хувь, ямааны махны үнэ 9.3 хувиар тус тус буурчээ. Харин өмнөх долоо хоногийн үнэтэй харьцуулахад хонины махны үнэ 0.3-2.1 хувь, үхрийн ястай махны үнэ 3.4 хувь, ямааны махны үнэ 7.8 хувиар буурсан. Адууны махны үнэ тогтвортой байна гэв.

Ш.Чимэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Offed 2011-03-29 199.176.179.250

Kudos! What a neat way of tinhking about it.

Avatar

Зочин 2011-03-29 202.179.24.11

Neetsiin mahiig 1000 tegregeer zarah heregtei

Avatar

http:goe.mn 2011-03-29 202.131.225.147

iPad iPad2 -g hamgin hayamd uneer zahialan avaarai SONY VAIO cpu 2 53Ghz ram 4Gb hdd 500Gb Screen 14inch 15inch laptopuud bainga zarj baina 88005886

Avatar

***********АНУ гаас оруулж ирсэн нөүтбvvк болон I 2011-03-29 202.179.14.131

АНУ гаас оруулж ирсэн нөүтбvvк болон I PAD 2-ийг МОНГОЛДОО ХАМГИЙН ХЯМДААР зарж байна COMPUTERSHOP m n ХАВРЫН ЗАД ХЯМДРАЛ ЗАРЛАЛЛАА утас 99172587 99999019

Avatar

НЯМСҮРЭН 2011-03-29 202.70.38.245

Сонгинохайрхан дүүргийн Баянголын аманд хотын төвөөс 20 км Найрамдал зуслангаас наана 4 тал төмөр хашаатай гүний худаг 220 -380 вольтын цахилгаан эрчим хүч 4 метрын гүний цэвэр усны магистрал шугам төв хар зам шилэн кабель зэргээс 10-20 метрын зайд орших тус бүр 007 га буюу 700 м2 талбай бүхий зэрэгцээ 2 айлын цэвэр газар яаралтай худалдана

Утас 99161938 99121589

NewsMN Гар утасны хувилбар Татах
NEWS.mn

Мэдээллийн эх сурвалж