УИХ дахь МАХН-МҮАН-ын “Шударга ёс” эвслийн хуралдаан сая өндөрлөлөө. Тус эвсэл ажлын хэсэг байгуулж, өнөөдөр 15.00 цагаас АН-тай хамтарсан Засгийн газар байгуулах асуудлаар хэлэлцээ хийхээр болсон тухай дуулдаж байна.

“Шударга ёс” эвслийн ажлын хэсгийн ахлагчаар УИХ-ын гишүүн, МАХН-ын дэд дарга, “Шударга ёс” эвслийн Удирдах зөвлөлийн дарга Д.Тэрбишдагва ажиллахаар болжээ. Ажлын хэсгийн гишүүдээр УИХ-ын гишүүн, МҮАН-ын дэд дарга Н.Батцэрэг, МАХН-ын ерөнхий нарийн бичгийн дарга Н.Удвал, МҮАН-ын ерөнхий нарийн бичгийн дарга Б.Цогтгэрэл, УИХ-ын гишүүн Л.Цог нараас гадна МҮАН-ын Ц.Цолмон, хуульч Э.Эрдэнэжамъян нар орсон бололтой байна.