Залуус туршлага солилцон чуулав | News.MN

Залуус туршлага солилцон чуулав

Хуучирсан мэдээ: 2011.03.28-нд нийтлэгдсэн

Залуус туршлага солилцон чуулав

Бараа бүтээгдэхүүнээс илүү нийгэмд сайнаар нөлөөлөх агуулга бүхий уриалгыг сурталчилсан рекламыг монголд хөгжүүлэх зорилготой уран бүтээлчид хоёр дахь жилдээ “Бидэнд ойрхон ирээдүй” рекламны уралдаант фестивалийг энэ сарын турш зохион явуулж байгаа юм. “Оюутолгой” команиас санаачлан Монголын Реклам Бүтээгчдийн Холбооноос зохион байгуулж буй энэ арга хэмжээний хүрээнд монголд анх удаагаа график, анимаци рекламны үзэсгэлэн яарамагийг зохион байгуулж энэ чиглэлээр сурч буй оюутнууд хийгээд залуу уран бүтээчид, студи продакшнуудыг хамруулсан байна.

Фестивалийн хүрээнд өнгөрсөн баасан гаригт дадлага солилцох Workshop уулзалт, ярилцлагыг уран бүтээлч залуусын дунд зохион байгуулжээ. Өнгөрсөн жилийн фестивальд 300-аад бүтээл зохион байгуулагчдад цугларсан бол энэ жил тийм хэмжээний шинэ санаа бүхий уран бүтээл цугларна гэдэгт итгэлтэй буйгаа зохион байгуулагчид онцолжээ. “Бидэнд ойрхон ирээдүй” уралдаант фестивалийн зорилго нь техник технологийн дэвшилтийг ашиглаж рекламны хөгжлийг харуулсан, шинэлэг санааг тусгасан сурталчилгаагаа зөвхөн арилжааны чиг хандлагатай бус олон нийтийг уриалсан, нийгмийг эрүүлжүүлэх зорилтыг бүтээлээрээ харуулж чадсан шилдэг уран бүтээлчдийг тодруулах явдал аж. Уг фестивалд ирүүлэх материалыг өнөөдрийг хүртэл хүлээн авах бөгөөд энэ сарын 31-ний өдөр шилдэг бүтээлүүдийг тодруулах юм байна.

Б.Амгалан

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

http:goe.mn 2011-03-28 202.131.225.147

iPad iPad2 -g hamgin hayamd uneer zahialan avaarai SONY VAIO cpu 2 53Ghz ram 4Gb hdd 500Gb Screen 14inch 15inch laptopuud bainga zarj baina 88005886

NewsMN Гар утасны хувилбар Татах
NEWS.mn

Мэдээллийн эх сурвалж