Ираны бичил шумбагч онгоцнууд нь Персийн булан дахь АНУ-ын флотод тодорхой хэмжээний аюул учруулж болох талаар 2008-2009 онуудад АНУ-ын Тэнгисийн цэргийн тавдугаар флотод байлдааны ажиллагааны төвийн тэргүүн асан  коммандер Кристофер Хармер The Christian Science Monitor сонинд ярьжээ. Тэр мэдэгдэхдээ эдгээр бичил шумбагчид америкчуудын хувьд асар том асуудал үүсгэж байна гэв. “Иранчууд эдгээр  бичил шумбагчдаа Персийн булан ба Аравийн тэнгис даяар байрлуулж чадах бөгөөд тэднийг илрүүлэхэд маш хүнд. Тэд хаа нэгэнтээ бүгэн цохилт хийх тохиромжтой цагийг хүлээж чадна” хэмээн чөлөөний офицер хэлэв.

Түүний хэлснээр Америкийн флот зөвлөлт, оросын том шумбагч онгоцнуудыг илрүүлж сурсан бол Ираны эдгээр шумбагчдын хувьд асуудал огт өөр ажээ. Гүйхэн усанд дуу чимээ багатай бичил онгоцыг хайх нь хүндрэлтэй гэнэ.

Иранчууд ийм жижиг шумбагчийг үйлдвэрийн дамжлагад оруулсан ба одоо зэвсэглэлд нь 19 тийм шумбагч байна. Мөн жил тутам тэдний тоо дөрвөөр нэмэгддэг ажээ. Эдгээр шумбагчид торпед харвахаас гадна хөлөг онгоцнуудын замд минийг нууцаар тавьж чадах гэнэ. Ийм маягаар иранчууд Ормузын хоолойг хурдан хугацаанд хааж чадна гэж тэр дүгнэв. Мөн эдгээр шумбагч Ираны тэнгисийн цэргийн тусгай отрядыг зөөж, Ормузын хоолойг тойруулан тавьсан нефтийн хоолойдг жагсаалаас гаргах аюул агуулж байна.

Сонинд өгүүлснээр бичил шумбагчид, тусгай отряд ба минийн аюулын эсрэг АНУ Персийн булангийн районд "Авенджер" (Avenger) ангилалын мина самнагч дөрвөн хөлөг ба "Си Драгон" (Sea Dragon) гэдэг шумбагч онгоцтой тэмцэх хэд хэдэн нисдэг тэрэг авчраад байгаа гэнэ.