Өнгөрсөн гуравдугаар сард нийслэлийн агаарын бохирдлыг бууруулах тухай хууль баталсантай холбогдуулан Ерөнхийлөгч Ц.Элбэгдорж захирамж гаргаж “Агаарын бохирдлыг бууруулах үндэсний хороо” байгуулсан.
Тус хороо өнөөдөр Монгол Улсын Ерөнхийлөгчийн дэргэдэх Иргэний танхимд нийслэлийн агаарын бохирдлыг бууруулах талаар хэлэлцэж байна. Уг хороог Ерөнхийлөгчийн тамгын газрын дарга Г.Баттулга ахалж ажиллаж байгаа юм.
“Агаарын бохирдлыг бууруулах Үндэсний хороо” нь утааг бууруулах зорилгоор цаашид хэрэгжүүлэх төсөл хөтөлбөрүүдийг хооронд нь уялдуулах зорилго агуулж байна хэмээн ЕТГ-ын дарга Г.Баттулга хэллээ. Мөн шаардлагатай гэж үзвэл нийслэлийн засаг дарга зэрэг холбогдох хүмүүст шаардлага хүргүүлж байх үүрэг хүлээх аж.