Энэ удаагийн “Гэгээн муза” наадамд найман удаа нэр дэвшин дөрвөн удаа “Гэгээн Муза” цомыг гардаж авсан ардын жүжигчин П.Цэрэндавга “Free line” студийн захирал Гансэрээгийн урласан хар “смонкинг”-ээр энэ үдэш гангарсан байлаа. Тэрбээр “Энэ жилийн наадам маш сайхан өргөн дэлгэр болж байна. Би уран бүтээлчээс гадна иргэний хувьд залуу уран бүтээлчээ дэмжье, тэднийхээ дээлийнх нь захыг мушгия гэсэн бодолтой оролцдог юм. Мөн Эрдэнэт хотод энэхүү наадамтай зэрэгцэн шинэ жүжгийнхээ нээлтийг хийж байгаа шавьдаа “Дээлийн чинь захыг багш нь мушгиж суугаа шүү. Амжилт хүсье” хэмээн хэлэв.