Зүүн дөрвөн замаас баруун дөрвөн зам хүртлэх замын ачааллыг бууруулж, хөдөлгөөний нэвтрүүлэх чадварыг нэмэгдүүлэх зорилгоор Их сургуулийн гудамж, Олимпийн гудамжны уулзварыг нэгтгэж дөрвөн замын уулзвар болгохоор болжээ. Мөн Сүхбаатарын талбайг тойрсон  замыг хоёр урсгалтай болгохоор зураг төслийн ажил хийгдэж байгаа аж. Уг замын тэмдэглэгээг өөрчилж, Их сургууль, Амарын гудамжны уулзвар, жуулчны гудамж болон Сүхбаатарын гудамжны уулзварт шинээр гэрлэн дохио тавихаар болжээ. Энэ жилийн зам засвар шинэчлэлийн ажил ирэх сард эхлэх гэнэ.