Технологийн шинжээчдийн гаргасан судалгаагаар MySpaceолон нийтийн сүлжээ энэ оны нэгээс хоёрдугаар сарын хооронд дэлхий даяар 10 гаруй сая хэрэглэгчээ алдсан гэсэн тоо гарчээ. 2011 оны эхний сарын байдлаар MySpace нийт 73 сая гишүүд, хэрэглэгчтэй байсан бол хоёрдугаар сарын байдлаар уг тоо 63 сая болтлоо буурсан байна. Харин өмнөх он буюу 2010 онд уг сүлжээ нийт 110 сая хэрэглэгчтэй байсан ч энэ тоо 2011 онд даруй 50 саяаар огцом буурсан үзүүлэлттэй байгаа ажээ.
MySpace сүлжээ хэрэглэгчдээ их хэмжээгээр алдахад хүргэсэн гол шалтгаан нь сайтад хийсэн олон тооны өөрчлөлтүүд бөгөөд ялангуяа хөгжмийн сайтад хийсэн өөрчлөлт, шинэчлэлт нь хэрэглэгчдийн сэтгэлийг гонсойлгосон ажээ.MySpace нь Arctic Monkeys, Kate Nash зэрэг уран бүтээлчдийг ажлын гараагаа эхлүүлэхэд нь тусалсан амжилттай олон нийтийн сүлжээнүүдийн нэг байсан ч, энэ оноос эхлэн ажиллах хүчнийхээ тал хувийг цомхотгохоор шийдсэн нь сайтын чанар муудах бас нэгэн үзүүлэлт болсон байна. Түүнчлэн Facebook олон нийтийн сүлжээ гарч ирснээр уг сайтын амжилтанд сөргөөр нөлөөлсөн гэж шинжээчид дүгнэжээ.