Гургалдай хоолойтой ч болоосой
Гунигаа арилтал дуулах юмсан
Гуравхан настай ч болоосой
Гутрахыг мэдэхгүй тоглох юмсан… гэх сайхан мөр бий. Содоо хүүд гутрахыг мэдэхгүй тоглохын золбоо хайрлаач, бурхан сэтгэлт хүмүүс минь…
Амьдрал нь цаг мөчөөр хэмжигдэж байгаа энэ бяцхан хүүд амьдрал бэлэглэе!

Нүдээ аниад өнгөрөх аргагүй нэгэн бяцхан хүүгийн талаар энд бичих гэсэн юм. Энхтайваны Содгэрэл одоо дөнгөж 3 настай. Энэ жаахан хүү цусны хорт хавдар  (Acute Myeloblastic Leukemia AML M5) оноштойгоор 12-р сарын 7-ноос хойш бүтэн 3 сар ЭНЭШТ-ийн цусны эмгэг судлалын тасагт хэвтэж байна. Химийн хүчтэй тариандаа хорт эс нь түр зуур дарагдсан байгаа энэ үед яаралтай чөмөг шилжүүлэх мэс засал хийлгэвэл хүүгийн амь нас аврагдана. Хэрэв хорт эс нь дахин сэргэвэл хагалгаа төдийлэн үр дүнтэй болохгүй тул цаг хугацаа үнэндээ давчуу байна. Чөмөг шилжүүлэн суулгах мэс заслыг Монголд хийх боломжгүй юм. Харин Улаанбаатар дахь Йонсей Найрамдал эмнэлгийн зөвлөх эмч Чой Вон Кюгийн ачаар Сөүл хотын Йонсей Их сургуулийн International Health Care Center, Severance Hospital эмнэлгээс хүүг 2-р сарын 23-ны өдөр хүлээн авч, эмчилж өгөхийг зөвшөөрсөн урилга ирүүлсэн юм. Гэтэл Монгол дахь Солонгос Улсын ЭСЯам хүүгийн аав ээжийн дансан дахь мөнгө мэс заслын өртөг болох 60,000 ам.долларт хүрэхгүй гэдэг шалтгаанаар виз өгөхөөс татгалзсан байна. Хүүгийн аав ээж, ах дүү, хамаатан садан нь олон компани, албан газар, тойргоос нь сонгогдсон УИХ-ын гишүүдэд хандаад байна. Гэсэн ч цуглуулах мөнгө нь дэндүү их, хүүгийн хорвоод амьдрах хугацаа өдрөөс өдөрт хасагдсаар… Хандив өргөж байгаа албан байгууллага, жирийн иргэд, гадаадад ажиллаж амьдардаг монголчууд хүүгийн аав ээж нь чин сэтгэлээсээ талархаж байна. Өвчин хэлж ирдэггүй. Та бидний нэг өдрийн талхны мөнгө энэ хөөрхий хүүд амьдрал бэлэглэж чадна. Бусдын хэрэг бүтвэл өөрийн хэрэг бүтнэ гэж монголчууд маань ярьдаг. Таны тус огтхон ч багадахгүй. Харин үр тарьсантай адил болно. Тэгээд тэр үр тань эргээд танд ерөөл авчиран ургана хэмээн итгэж бас уриалж байна.

Сайхан сэтгэлт хүмүүсийн дэмжлэгээр Содоо хүү удахгүй эдгэнээ.

 Та бүхэн Содгэрэл хүүд хандив өргөхийг хүсвэл:   

Голомт банк 2405004014

Хаан банк 5016048916 (Хүлээн авагч Чойсүрэнгийн Нандинцэцэг, ээж)    

Валютын данс: Чойсүрэнгийн
Нандинцэцэг /ээж/ Голомт банк 1815002416 

Содгэрэлийн аав, ээжтэй холбоо барих утас: 96065271,
96055271

Илүү дэлгэрэнгүй мэдээллийг
Содгэрэлийн нэр дээр нээсэн “Надад нас хайрлаач хүмүүсээ” нэртэй sodgerel.enkhtaivan@yahoo.com имэйл хаягтай Фэйсбүүк,  

www.sodkoo.com вэб хуудас,

“Ах эгч нар аа, надад нас хайрлаач”,

http://www.youtube.com/watch?v=9ozTZttkBRg 

“Содгэрэл хүүд итгэл бэлэглэе
1”

http://www.youtube.com/watch?v=QnKvpAhxNxY

“Содгэрэл хүүд итгэл бэлэглэе
2”

http://www.youtube.com/watch?v=QnKvpAhxNxY нэртэй бичлэг зэргээс аваарай.

Мөн таны нэг л удаагийн 150124  дугаар руу ЗА гэж илгээсэн мессэж
Содоо хүүгийн амьдрах итгэлийн галыг гэрэлтүүлнэ хэмээн итгэж байна.