Хэнтий аймгийн Өндөрхаан суманд мөнгө угаах болон терроризмыг санхүүжүүлэхээс урьдчилан сэргийлэх, хууль эрх зүйн орчин болон хяналт шалгалтын талаарх сургалтыг өнгөрсөн долоо хоногт зохион байгуулжээ. Монгол банкны Санхүүгийн мэдээллийн албанаас удирдан явуулсан тус сургалтад Хэнтий аймаг дахь Монгол банк, Хаан банк, Хас банк, Хадгаламж банкны салбарын ажилтнууд болон тус аймагт үйл ажиллагаа явуулдаг даатгалын газрууд, мөн банк бус санхүүгийн байгууллагынхан, нотариатчид  хамрагдсан  байна.