АНУ-ын удирдлагууд “Хуурай замын ажиллагааг явуулах байтугай тэр талаар төлөвлөсөн зүйлгүй” гэсэн хэдий ч Хойд Африкийн оронд хэзээний хуурай замын ажиллагаагаа эхлүүлсэн гэж “Fox News” телевиз мэдээлэв.

Шууд дамжуулсан эфирээр мэдээний хөтлөгч  Билл О’Райли “Бидэнд Амери­кийн цэргийнхэн тус орны нутагт бай­гаа тухай мэдээлэл бий” гэж хэлжээ. Амери­кийн армийн бэлтгэл хурандаа Дэвид Хант мэдэгдэхдээ “Агаарын ийм ажиллагааг тус орны нутагт өөрсдийн хүнгүйгээр АНУ явуулахгүй. Тэд маш амжилттай ажил­ласан. Гэхдээ босогчидтой холбоотой байгаа­гүй. Цэргийнхэн ба ТТГ-ын туршуу­лууд тэр улсад 12 дахь хоногтоо ажиллаж байна” гэжээ. Америкийн армийн дэд хурандаа Тони Шеффер өөрт нь байгаа мэдээгээр байдал Хантын хэлснээр байгаан батлав. Ливи дэх байлдааны ажиллагааг хэрэг­жүү­лэх үүргийг өөртөө авсан НАТО “Цэргийн ажиллагаа 90 хоног үргэлжилнэ” гэж мэдэгдлээ. Шаардлагатай бол энэхүү хугацааг сунгах аж.