Буудлагын “Дэлхийн цом”-ын тэмцээнд онч мэргэнээ сорьсон Монголын мэргэн буучид тэмцээнээ дуусгалаа. Харамсалтай нь, энэ удаагийн Сиднейн “Дэлхийн цом”-оос олимпийн хоёр эрх авах зорилго өвөртөлсөн тэд хүссэн амжилтаа гаргаж чадсангүй. Тэмцээнд манай улсаас зургаан эмэгтэй, нэг эрэгтэй тамирчин оролцсоноос өнөөдөр Э.Даваахүү эрэгтэйчүүдийн 50 метрийн спорт гар бууны дасгалд өрсөлдлөө. 10 метрийн хийн гар бууны төрөлд өрсөлдөж, 34 дүгээр байрт шалгарсан тэрбээр өнөөдрийн дасгалд 552 оноо авснаар 20 дугаар байрт бичигджээ.

Ийнхүү Монголын мэргэн буучид Сиднейн “Дэлхийн цом”-оос медальгүй хоцорлоо. Тэд Австралиас шууд Өмнөд Солонгосыг зорьж, Чанвон хотноо “Дэлхийн цом”-ын дараагийн цувралд өрсөлдөнө.