Нийслэлийн Засаг даргын Тамгын газар, Захирагчийн ажлын албанаас ”Цэцгийн баяр-цэцгийн мандал 2012” бүх нийтийн өдөрлөгийг маргааш өдрийн 12.00 цагаас  эхлэн гурван хоногийн турш Сүхбаатарын талбайд зохион байгуулах гэж байна.

Сүхбаатарын талбайд хуваарилсан талбайд дүүрэг бүр ногоон байгууламж, цэцэрлэгжүүлэлтийн чиглэлээр үйл ажиллагаа явуулдаг аж ахуйн нэгжүүдийнхээ үйл ажиллагааг сурталчилж, иргэдэд цэцэг тарих технологийн зааварчилгааг үнэгүй өгч, цэцэгний үр, үрслүүр олгох юм. Мөн тарьц суулгац, багаж хэрэгсэл, үр бордооны үзэсгэлэн худалдаа ажиллах юм байна.