Сүүлийн үед хувийн уран бүтээл, бизнестээ анхаараад хамтын уран бүтээлээ хийх завгүй яваа boyband групп бол Камертон хамтлаг. Хамтлагийн ахлагч Болд хувийн уран бүтээлээ хийгээд амжилттай яваа бол Ганаа телевизийн урлагт хүчээ үзэж, чамгүй сайн хөтлөгч болохоо харуулаад байгаа. Харин хамтлагийн гишүүн Мээдээ гэр бүлийн амьдралаа зохиож, Эба газар тариалан, рестораны бизнес  эрхэлж эхэлсэн. Хэдийгээр “Камертон” хамтлаг тарж, гишүүд мөр мөрөө хөөсөн гэж яригддаг ч Эба “Бид яагаад ч уран бүтээлээ орхихгүй” гэж мэдэгдэж байсан. Эба буюу Эрдэнэбат саяхан Ардчилсан намд гишүүнээр элсэж, намын ерөнхий нарийн бичгийн дарга, өөрийн амьдаа Д.Эрдэнэбатаас гишүүний батлахаа гардан авчээ.
Ардчилсан намын будаг нь ханхалсан шинэхэн батлахыг өвөртөлсөн тэрээр “Над шиг мянга мянган залуучуудын итгэл сэтгэлийг дааж яваа энэ намын гишүүн болж байгаадаа бахархалтай байна. Би одоо 34 настай. Олон жил Ардчилсан намыг дэмжиж явсаны хувьд өнөөдөр сонголтоо баталгаажууллаа” хэмээн сэтгэл хангалуун ярьжээ. Ямартай ч залуучуудад үлгэр дууриал болохуйц залуу хүн Ардчилсан намд элсэж, эгнээнд нь багтсанд намын удирдлагууд баяртай, цаашид энэ нь олон залуучуудад үлгэр дууриал болно гэдэгт итгэлтэй байгаа гэнэ.