Нийгмийн хамгаалал, хөдөлмөрийн сайд  Т.Ганди БНСУ-ын Шинхан банкны Гүйцэтгэх дэд ерөнхийлөгч Ли Сан Хо-той уулзаж, тус банкны “Мөрөөдлийн сан”-ийн санхүүжилтээр хэрэгждэг тэтгэлэгт хөтөлбөрийг дөрөв дэхь жилдээ Монгол Улсад үргэлжлүүлэн хэрэгжүүлэхээр болжээ. “Ганди сан” 2006 оноос эхлэн Шинхан банкны “Мөрөөдлийн сан”-ийн тэтгэлэгт хөтөлбөрийг Монгол улсад хэрэгжүүлж, авьяаслаг, оюунлаг боловч туслалцаа дэмжлэг шаардлагатай 450 гаруй оюутан залуусыг шударга, ил тод шалгуураар шалгаруулж, сургалтын тэтгэлэг олгож ирсэн аж.