Завхан аймгийн Тэс, Баян-Тэс, Баянхайрхан, Түдэвтэй, Асгат, Нөмрөг, Булган аймгийн Баян-Агт, Баяннуур, Бугат, Бүрэгхангай, Хангал, Рашаант, Архангай аймгийн Хашаат, Хотонт, Хайрхан, Цэнхэр, Өгийнуур, Өлзийт сумдын нутгаар цас их орж, шуурсны улмаас хаваржилт хүндэрч, малын өвс тэжээл дуусч, зарим зам даваа хаагдсныг нээхээр сумын удирдалагууд ажиллаж байгаа аж. Тухайлбал Завхан аймгийн аймгийн хэмжээнд улсын болон орон нутгийн чанартай зам даваануудыг аймгийн “АЗЗА” ХК-ний ажилчид  нээжээ. Мөн Булган аймгийн Гурванбулаг суманд аймгийн Онцгой байдлын газраас туулах чадвар сайтай “ГАЗ-66” автомашинаар өвс тэжээл хүргэх, мөн Баян-Агт суманд Онцгой байдлын газраас туулах чадвар сайтай “ГАЗ-66” автомашиныг зам гаргах ажилд дайчлан ажиллуулж байгаа гэнэ.