Швейцарийн нисгэгч Андре Боршберг нарны эрчим хүчээр ажилладаг “Solar Impulse” нэртэй онгоцоор Морокко улсын дээгүүр нислэг үйлдсэн байна. Тэрбээр нийслэл Рабат хотоос хөөрч, Уарзазат хотын төвд газардахаар зорьж байсан ч хүчтэй салхины улмаас замын талаас буцжээ. “Solar Impulse” онгоц Мадридаас зургадугаар сарын 6-нд Мороккод иржээ. Туршилтын нислэг амжилттай болбол 2014 оноос дэлхий даяар нислэг үйлдэж эхлэх гэнэ.

Өнгөрсөн тавдугаар сард нисгэгч Боршберг болон түүний хамтран нисгэгч Бертранд Пиккард нар “Solar Impulse”-ыг турших ажилд нисгэгчээр ажиллахаар сонгогдож,  Швейцарид ээлжлэн нисэх сургуулилт хийсэн байна.