www.travelweekly.com.au цахим хуудаснаа ийм зөвлөгөөг Монголыг зорих жуулчдад зориулан гаргажээ. “Хөдөө нутагт малчин айлд зочлохдоо тэдэнд чихэр жимс гээд ойр зуурын амттан бүхий бэлэг өгвөл мөнгө өгснөөс илүү баярлана шүү” хэмээн тэнд бичсэн байна. Түүний хариуд тэд таныг юу байгаагаараа сэтгэл харамгүй дайлна хэмээн бас сануулж.

Монголчууд үхэл, гэр бүл салалт, аваар осол зэргийн тухай ярих дургүй. Таагүй зүйл дагуулна хэмээн сэжиглэдэг. Мал сүрэгт нь муугаар нөлөөлнө гэдэгт итгэдэг. Тиймээс та тэдэнтэй иймэрхүү сэдвээр бүү ярилцаарай гэж энэхүү зөвлөгөөнд өгүүлсэн байх юм.