БНСУ-д хөдөлмөрийн гэ­рээгээр ажиллах хүсэлтэй иргэдийн бүртгэл өнөөдрөөс орон даяар эхэлж байна. Энэ удаагийн бүрт­гэ­лийг өнгөрсөн жилийн адил аймаг, нийслэл, сум, дүүргийн Хөдөлмөр, ха­лам­жийн үйлчилгээний хэлтэс гурав хоногийн турш зохион байгуулах бөгөөд улсын хэмжээнд 10 мянган хүнийг бүртгэх ажээ.

Бүртгүүлэгч нь 18-39 настай, хорих ялтай эсвэл түүнээс илүү хүнд ялтай гэмт хэрэгт холбогдоогүй байх, БНСУ-аас албадан гаргах буюу тус улсыг орхин явах захирамж гаргуулж байгаагүй, Монгол Улсаас гарах эрхээ хязгаарлуулаагүй,  БНСУ-д хууль бусаар оршин сууж байгаагүй, БНСУ-ын ЭСЯ-нд виз мэдүүлээд татгалзсан хариу авч байгаагүй, эрүүл мэндийн хувьд өвчингүй  /Элэгний В, С вирус, Сүрьеэ, БЗХӨ гэх мэт/ байх шаардлагатай аж. Харин солонгос хэлний түвшин тогтоох шалгалтыг наймдугаар сарын 25, 26-нд зохион байгуулах юм байна.