Монгол Улсын Ерөнхийлөгч Ц.Элбэгдорж өнөөдөр 14.00 цагт Захиргааны хэргийн давж заалдах шатны шүүхийн Ерөнхий шүүгч, шүүгч нарыг томилох гэж байна. Эх сурвалжаас авсан мэдээллээр Ц.Цогтыг Захиргааны хэргийн давж заалдах шатны шүүхийн Ерөнхий шүүгчээр томилох болсон байна. Бусад дөрвөн шүүгчээр  М.Батсуурь, П.Соёл-Эрдэнэ, А.Отгонцэцэг, Г.Энхмаа нарыг томилохоор болжээ.

УИХ-аас Захиргааны хэргийн давж заалдах шатны шүүх байгуулах тухай хуулийн төслийг 2010 оны арванхоёрдугаар сарын 31-ний өдрийн хуралдаанаар хэлэлцэн баталж, 2011 оны дөрөвдүгээр сарын 1-нээс өмнө шүүгч нарыг сонгон шалгаруулахыг үүрэг болгоод байсан юм. Харин энэ ажил эцэслэснээр Монгол Улсын Ерөнхийлөгч дээр нэр дурдсан шүүгч нарыг томилох гэж байна.