Монгол Улсынхаа алтан соёмбот далбааг харийн тэнгэрт мандуулж, тив, дэлхийн аварга шалгаруулах тэмцээн, олимпийн наадмаас медаль хүртсэн Монголын үе үеийн шилдэг тамирчдыг алдаршуулах, хүүхэд залуус, олон нийтэд сурталчлах зорилгоор зохион байгуулж буй “Бидний бахархал” нэртэй үзэсгэлэн өнөөдөр Уран зургийн галерейд дэлгэгдэж байна. Тус үзэсгэлэнгийн онцлог нь 1967 оноос хойшхи олон улсын чанартай тэмцээн, Ази тивийн болон дэлхийн аварга шалгаруулах тэмцээн, мөн олимпийн наадмаас Монголын тамирчдын хүртсэн медалиудыг дэлгэж буй явдал юм. МҮОХ, БТСГ, Монголын олимпийн медальтнуудын холбооноос хамтран зохион байгуулж буй “Бидний бахархал” үзэсгэлэн өнөөдрөөс эхлэн 27-ныг дуустал үргэлжилнэ. Үзэсгэлэнд 20 гаруй спорт холбоод оролцож байгаа ба эв нэгдлийн бэлгэдэл болсон спортын салбарын 150 гаруй алдартны медалиудыг бодитоор харах боломжийг энэхүү үэзсгэлэн олгож байгаа юм. Үзэсгэлэнгийн нээлтийн ажиллагаа өнөөдөр 16.00 цагаас болно.

Дашрамд сонирхуулахад, Монголын тамирчид олимпийн наадмаас нийт 19 медаль хүртсэний хоёр нь алт, долоо нь мөнгө, үлдсэн арав нь хүрэл медаль ажээ.