Хувийн уран бүтээлийн тал дээр нам гүм байсан дуучин Ж.Алтанцэцэг урлагийн тайзнаа эргэн ирэхээр төлөвлөж, ирэх зуныг тун ч завгүй өнгөрөөх тухайгаа дуулгав. Поп дива ирэх аравдугаар сард бие даасан тоглолтоо хийхээр бэлтгэл ажилдаа орсон байна. Сүүлийн үед “Pro sound” студийн ажил, дээр нь “Extacy” хамтлагийн охидыг бэлтгэх гээд завгүй ажиллаж байсан тэр тун удахгүй шинэ уран бүтээл, шинэ тоглолтоор фенүүдтэйгээ уулзахаа амласан юм.