Хунгийн дэвэлт хүмүүнлэгийн аянд сайхан сэтгэлийн давалгаа нэмнэ. Энэ ням гаригт ДБЭТ-т П.И.Чайковскийн “Хунт нуур” балет тоглогдоно. Симфони найрал хөгжмийг нь АНУ-ын Стэнфордын их сургуулийн профессор Жин Дон Кэй удирдана. Энэ тоглолтоос орох орлогыг манай ДБЭТ, Стэнфордын их сургуулиас Японы ард түмэнд чин сэтгэлийн бэлэг болгон илгээнэ.

Мөн зураач Энхтайван энэ үеэр өөрийн бүтээлүүдийг дуудлага худалдаагаар зарж, сайхан сэтгэлийн аянд нэгдэнэ.