Орос, Монголын экологич шинжээчид Байгаль нуурын бохирдлын хэмжээг бууруулах хил дамжсан усны нөөцийн удирдлагын төлөвлөгөөг боловсруулж байгаа тухай НҮБ-ын Хүрээлэн буй орчныг хамгаалах Хөгжлийн хөтөлбөрийн газрын дарга Наталья Опофинская мэдээлэв.

Төслийн хүрээнд амин чухал асуудлуудыг тогтоох хил дамнасан судалгааг явуу­лах бөгөөд хүрээлэн буй орчны өөрчлөлтийн үндсэн шалтгааныг тодруулна. Төслөөр Байгаль нуурын бохирдлын байдлыг тогтоохоос гадна үйлд­вэр, ахуйн нэгжүүд, хө­дөө аж ахуй болон Орос, Мон­голын хот суурингуудаас нууранд үзүүлэх бохирдлыг  багасгахад чиглэжээ. Төслийн хүрээнд анхны семинарийг Улаан-Үд хотноо дөрөвдүгээр сарын 9-11-ний дотор явуулна хэмээн Олофинская энэ лхагва гаригт РИА Новости агентлагт хэлжээ.

Байгаль нуур Оросын нутагт оршдог ч нуурын сав газарт (ус цугларах талбай) Орос, Монголын нутаг дахь 300 орчим гол горхи багтдаг. Хоёр орны эдийн засгийн өсөлт нь хяналттгүй үйлдвэржилт, хөдөө аж ахуй болон хот байгуулалт усны хамгаалалтыг анхаарах дохио өгч байна.

“Бид урт хугацааны төсөл дээр ажиллах хүсэлтэй. Наад зах нь 4-5 жилийн  хугацаа шаардлагатай. Байгаль далайн а­суу­дал бол Оросын хувийн хөтөлбөр биш, дэлхийн ундааны усны 20 хувийн нөөц байна гэж НҮБ-ын хөтөлбөрийн  Оросын салбарын төлөөлөгч тайлбарлав. 

Олон улсын байгууллагын салбар нь тус орны Эрдэс баялаг экологийн яам, Буриадын Эрдэс баялаг ба экологийн яам, Ардын хурал Оросын шинжлэх ухааны академийн Сибирийн салбар, Олон улсын төслийн төвтэй хамтарсан семинар зохион байгуулж байгаа. Одоо Орост Байгаль нуурыг хамгаалах, Байгаль орчны нутаг дэвсгэрийг хөгжүүлэх эдийн засаг, нийгмийн хөгжлийн 2011-2020 оны холбооны төсөл хэрэгжиж байгаа юм. Уг хөтөлбөрөөр аж үйлдвэрийн хог хаягдлыг дахин боловсруулах, нуур сэргээгдэх боломжийг үр дүнтэй хэрэгжүүлэх мөхлийн ирмэгт ирээд байгаа амьтан ургамлыг хамгаалах, хяналт шалгалтын системийг хөгжүү­лэх талаар ажиллах юм. 

Байгаль нуур нь манай гаригийн агуу нууруудын нэг бөгөөд хамгийн гүнзгий (1637 метр), хамгийн эртний (25 сая жил орчим), хамгийн олон янзын амьтан ургамалтай нуур юм. Хамгийн дээд цэргийн цэнгэг устэй (23,6 мянган шоо метр, дэлхийн цэнгэг усны 20 хувь).  Байгалийн хотгор нь Байгалийн боржин бүсийн төв бөгөөд дэлхийн хамгийн эртний хагалбарын томоохон систем юм. Нуур нь сав газрынхаа хамт байгаль орчны экологийн эмзэг систем бөгөөд цэвэр ус үүсэх байгалийн жам ёсны “үйл ажиллагааг” хангадаг.