Зүүн Сибирийн төмөр замын (ЗСТЗ) үйлдвэрүүдээр Улаанбаатар төмөр замын дарга Т.Очирхүү тэргүүтэй төлөөлөгчдийг зочлоход Эрхүүд суугаа Монголын консул А.Баатарцогт, худалдаа эдийн засгийн асуудал хариуцсан хоёрдугаар нарийн бичгийн дарга Х.Лүндэнбазар нар дагалдан явжээ.

ЗСТЗ-ын удирдлагын урилгаар өмнө байгуулагдсан гэрээний хүрээнд хийх цаашдын хамтын ажлаа ярилцахаар Монголын төлөөлөгчид очсон байлаа. Тэд Монголын нутаг дэвсгэрт орос зүтгүүрээр тээвэрлэлт хийх болон төмөр замын засвар үйлчилгээний талаар ярилцаж, хамтарсан протоколд гарын үсгээ зурсан байлаа.