Монголын хүнсний салбарт европ технологи нэвтрүүлж, боловсон хүчнийг чадваржуулах зорилгоор Нидерланд улсын талх, нарийн боовны технологич, ахмад эксперт Пит Слумер зургадугаар сарын 4-18-ны хооронд Монгол Улсад ажиллахаар болжээ. Ингэхдээ нарийн боовны үйлдвэр, цех, компаниудтай танилцан, үйлдвэрлэлийн төрөл бүрийн зөвлөгөө өгөх юм байна.

Монгол Улс Голланд улстай эдийн засаг, хүнсний технологийн салбарт хамтын ажиллагааны арвин туршлагатай бөгөөд МҮХАҮТ Нидерландын Удирдлагын хамтын ажиллагааны хөтөлбөр буюу “PUM” байгууллагатай 2000 оноос хойш идэвхтэй холбоотой байсаар ижээ. Энэ байгууллага нь Нидерландын Засгийн газраас санхүүждэг бөгөөд тэтгэвэрт гарсан туршлагатай зөвлөхүүдээс бүрддэг юм байна. Тиймээс хүнсний үйлдвэрлэл, тэр дундаа нарийн боовны технологийг сайжруулах, боловсон хүчнээ сайжруулах зорилгоор ийнхүү олон улсын экспертийг урьсан ажээ.