Дуучин Байзада попын хаан Майкл Жексоны улаан фен нь гэнэ. Хэсэг хугацаанд уран бүтээлээ завсарлаад байсан тэрбээр эргэн дуулж эхэлсэн нь түүний шүтээн дуучин Майкл Жексоны үхэлтэй холбоотой гэнэ. Тэрбээр Жексоны бүх дууг мэддэг бөгөөд түүн шиг дуучин болохыг мөрөөддөг байж.

Саяхан болж өнгөрсөн “Танилцъя охин” бие даасан тоглолтод нь эгшиглэсэн түүний шинэ уран бүтээл болох “Эх орны хүүхдүүд” дуу нь хүмүүнлэгийн ажлынх нь эхлэл бөгөөд цаашид яг л Жексоны адилаар хүүхдийн төлөө хүмүүнлэгийн ажилд идэвхтэй оролцох бодолтой байгаа гэнэ. Мөн тэрбээр тоглолтын тасалбар, сурталчилгааны зурагт хуудас зэрэгтээ улаан өнгийг сонгосон нь санаадгүй хэрэг биш. Дуучин Байзада “Майкл Жексон улаан өнгөнд дуртай учраас энэхүү сонголтыг хийсэн” гэжээ.