Apple-ийн iTunes бусдаас үргэлж нэг алхам түрүүлдэг. Тэр ч утгаараа нэгэн үйл явдлыг бусдаас түрүүлэн өөрийн хэрэглэгчиддээ санал болгох гэж байна. iTunes-ийнхан Их Британийн Хунтайж Уилльям Чарльз болон Кэйт Мидлтон нарын хуримын ёслолын бичлэгийн дижитал хувилбарыг хэрэглэгчиддээ санал болгохоор бэлтгэж байгаа ажээ. 

Харин удам залгамжлах хунтайжийн хуримын ёслолын албан ёсны бичлэг хийх эрхийг Британийн “Decca Records” компани авсан бөгөөд тус компани хуримын аудио бичлэгийг CD, кассет гэх мэт төрөл бүрийн хэлбэрээр олшруулан гаргах юм байна. Хунтайжийн хуримын ёслол энэ оны дөрөвдүгээр сарын 29-ны өдөр Уэстминстр Аббид болох юм.  "