iPhone, iPod болон бусад зөөврийн медиа тоглуулагчдад зориулсан спикерүүд овор хэмжээний хувьд тийм ч авсаархан байдаггүй. Харин тун саяхан Motz компани 2,5 инчээс хэтрэхгүй урттай, маш авсаархан модоор хийсэн спикерийг бүтээсэн байна. Энэхүү спикерийг гүйлс модоор хийсэн бөгөөд FM радио, USB болон SD картны оролттой ажээ. Түүнчлэн өөртөө чихэвчний оролттой тул SD карт болон радиог ямар нэг нэмэлт хэрэгслийн тусламжгүй хүлээн авч болно. Модон спикер нь лити полимер зайтай бөгөөд чихэвчээ ашигласан тохиолдолд цэнэгээ 10 цаг, чихэвчгүй ашигласан тохиолдолд 5 цаг барих хүчин чадалтай ажээ.

Ийнхүү орчин үеийн өнгө аясыг эрхэмлэгч залуус хамгийн бяцхан бөгөөд этгээд чамин хийцтэй спикерт өөрсдийн iPod-ийг залгаж, хүссэн дуу, хөгжмөө хүрээлсэн хүмүүстээ зориулан тоглуулах боломжтой боллоо.