Фукушимагийн атомын цахилгаан станц дээр ажиллаж байсан гурван ажилчин цацрагийн хордлого авсан байж болох талаар мэдээлэл гарчээ. Цөмийн асуудал хариуцсан албаныхны мэдээгээр бол тэдний хоёр нь хүнд гэмтэж эмнэлэгт хүргэгдсэн байна. Тэдгээр ажилчид Фукушимагийн атомын цахилгаан станцын 3-р реакторын цахилгааны кабелийг татаж байсан аж.

Тэдний эмнэлэгт хүргэгдсэн хоёр ажилчны хөлийнх нь арьсан дээр цацрагийн хордлого илэрсэн аж.  Хэдийгээр ажилчдын авсан цацрагийн доз хэмжээ байж болох дээд төвшингөөс доогуур гарсан гэж байгаа ч асуудал хараахан эцэслэн тогтоогдоогүй аж. Атомын цахилгаан станцаас цацраг идэвхт бодис алдагдсанаас хойш нийтдээ хорь гаран иргэн цацраг идэвхид хордож гэмтэл авсан байна.